Charter Document - 05270016
| Charter Number: | 05270016 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Internal, Papal |
| Resource Link(s): |
|
Charter:
Innocentius episcopus seruus seruorum Dei dilectis filiis abbati et conuentui monasterii Sancti Stephani Diuionensis ordinis Sancti Augustini diocesis Lingonensis salutem et apostolicam benedictionem Ut uestre prouideamus quieti et grauaminibus occurramus uestra supplex deuotio nos hortatur Hinc est quod nos uestris precibus inclinati auctoritate uobis presentium indulgemus ut nulli possit de aliquo prioratu uestro seu de beneficio ecclesiastico sine pensione aut in uite necessariis in uestro monasterio uel in prioratibus ad uestrum monasterium pertinentibus prouideri per litteras Sedis Apostolice uel legatorum ipsius impetratas nisi per eas ius sit alicui acquisitum uel etiam impetrandas compelli nisi predicte littere plenam et expressam de toto tenore presentis indulgentie ac nominatim de uestro monasterio fecerint mentionem etiam si contineatur in eis quod aliqua Sedis eiusdem indulgentia non obsistat Nulli ergo omnino hominum liceat hanc paginam nostre concessionis infringere uel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum Lugduni VI idus aprilis pontificatus nostri anno octauo