Charter Document - 05270012
| Charter Number: | 05270012 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1250 - 1251 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Tierricus Rufus de Marcenai et ego Cecilia uxor eius confitemur et recognoscimus nos pro utilitate et necessitate nostra uendidisse et concessisse in hereditatem perpetuam domino Petro Theutonico presbitero apud Parrigneium commoranti duos modios uini quos assedimus dicto domino Petro uel eius mandato percipiendos et habendos singulis annis inperpetuum de cetero in uindemiis apud Marcennai in puris racemis mustalibus super domum nostram et super totum mansum ipsius et super uineam nostram retro sitam scilicet en Beau Uisain que domus predicta sita est apud Marcennay iuxta mansum Benedicti filii Nerart a parte superiori et iuxta mansum Dominici filii Baudran a parte inferiori de cuius uenditionis precio nos tenemus et habemus in numerata pecunia plenarie et integre pro pagatis et propter hoc de dictis duobus modiis uini modo premisso percipiendis et habendis annuatim dictum dominum Petrum inuestiuimus et in possessionem perpetuam misimus pro uoluntate sua modis omnibus et omni tempore facienda tenemurque et promittimus per sacramentum nostrum corporaliter prestitum dictos duos modios uini puri mustalis percipiendos et habendos singulis annis inperpetuum de cetero in uindemiis apud Marcennay garantire dicto domino Petro et eius mandato libere contra omnes perpetuo super domum nostram predictam et super totum mansum ad eam pertinentem et super dictam uineam nostram retro sitam et super dictam uenditionem dictum dominum Petrum et eius mandatum indempnes modis omnibus conseruare si super ea aliquo tempore molestarentur uel impedirentur quod absit et in nullo de cetero per nos uel per alios contraire et ad hec omnia tenenda pariter et seruanda perpetuo ipsi domino Petro et eius mandato dictam domum cum toto manso ad eam pertinente et cum uinea retro sita principaliter et specialiter inperpetuum obligamus ita quod nisi annuatim modo premisso et dictis loco et termino fuerint dicti duo modii uini persoluti uolumus et concedimus et dicto domino Petro et eius mandato damus et concedimus plenariam potestatem et mandatum ut extunc ipsi auctoritate propria et sine alicuius curie reclamatione intrent dicte domus et mansi ad eam pertinentis et dicte uinee retro site possessionem et dominium et inde fructus suos modis omnibus faciant quousque dicti duo modii uini de quolibet anno quo soluti non fuerint integre persoluantur Hec autem omnia et singula supradicta nos Petrus Dominicus et Humbelottus filii dictorum Tierrici et Cecilie laudamus et rata ac firma habemus et promittimus inperpetuum habere iuramento prestito et in nullo de cetero per nos uel per alios ratione auerie uel minoris etatis aut precii uel modo alio contraire In cuius rei testimonium nos Tierricus Cecilia Petrus Dominicus et Humbelottus predicti presentibus litteris sigilla uirorum uenerabilium domini Mercatoris decani capelle Ducis et magistri Garneri decani Christianitatis Dyuionensis fecimus apponi Actum anno Domini MCC quinquagesimo mense aprilis