Charter Document - 05270009
| Charter Number: | 05270009 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1251 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Guillelmus de Charanceio domicellus confiteor et recognosco quod cum ego pro remedio anime bone memorie domini Guidonis patris mei cuius anime propicietur Omnipotens dedissem et concessissem in puram et perpetuam elemosinam Deo et ecclesie Beati Stephani Dyuionensis in qua corpus dicti patris mei traditur sepulture duas eminas bladi medietatem frumenti et medietatem auene sitas et annuatim percipiendas et habendas super tres pecias terre arabilis mouentes de meo capite circiter sex iornalia continentes quarum una sita est in finagio Fauerneii ubi dicitur es cuens de Maines iuxta terram Hugonini filii domine de Billeio ex una parte et iuxta terram Galteri Pautini ex altera alia in finagio Fauerneii ubi dicitur en Sarmaces iuxta terram dicti Hugonini ex una parte et iuxta terras alias quibus est contorz ex altera et alia ibidem iuxta terram domini Galteri de Cortiuron ex una parte et iuxta terram prioris Fauerneii ex altera Ego considerans et attendens quod corpus patris mei humiliter et deuote susceperint et cum honore debito et reuerentia ecclesiastice sepulture tradiderint abbas et conuentus ecclesie supradicte ad hoc ego respectum habens debitum et deuotum dictis abbati et conuentui quitto in hereditatem perpetuam tres pecias terre predictas et de ipsis inuestiui eosdem Teneorque et promitto sub obligatione bonorum meorum omnium et iuramento prestito eas eisdem et eorum successoribus perpetuo garantire Ipsi uero deuotioni mee humiliter occurentes de bonis eorum mihi dederunt octo libras Dyuionensium et me et meos heredes de dictis duabus eminis bladi perpetuo quittauerunt Ego autem Guillelmus li Moutons de Fauerneio dominus de Baleus de cuius feodo mouent dicte tres pecie terre laudo predictam elemosinam et dictum feodum quitto dictis abbati et conuentui perpetuo et eisdem contra omnes garantire bona fide promitto In premissorum igitur omnium testimonium nos Guillelmus de Charanceio et Guillelmus li Moutons predicti presentibus litteris sigillum curie Lingonensis fecimus apponi Actum anno Domini MCC quinquagesimo mense ianuario