Charter Document - 05270007

In nomine Domini amen Nos homines inferius annotati confitemur et recognoscimus nos retinuisse in perpetuum a uiris uenerabilibus et religiosis domino Amideo abbate et conuentu ecclesie Sancti Stephani Dyuionensis partem quandam inferius expressam terre eorum site inter finagium de Crusilles et finagium de Laschieres quam partem iam plantauimus in uineam sub condictionibus inferius annotatis uidelicet ego Raolinus li Macons duo iornalia ego Uuienetus Busche unum iornale ego Hugonettus Grosdenier unum iornale ego Girardus Saunerius dimidium iornale ego Iaquettus filius Petri de Arcu dimidium iornale ego Petrus dictus Uilenis dimidium iornale nos Theobaldus et Bouenottus duo iornalia ego Liebaudons duo iornalia ego Iohannes li Caleyfaz unum iornale nos fili Blainchon duo iornalia ego Amiottus li Taillerres duo iornalia ego Iohannes Scabiosus duo iornalia ego Guillelmus de Uaroies duo iornalia ego Stephanus de Uico Sancti Antonii unum iornale ego Dominicus Brulez unum iornale ego Michael de Uarroies unum iornale ego frater Anxerici duo iornalia ego Uuienottus li Uilenis unum iornale ego Agnes li Gauuaine unum iornale ego Brocardus dimidium iornale ego Stephanus Rotarius unum iornale ego Uuarnerus Fuserius duo iornalia ego Petrus de Clenai unum iornale ego Stephanus li Arrabiz unum iornale ego Dominicus gener Ualanchotti Grumier unum iornale ego gener Gardon unum iornale ego Huguenettus Uinebauz unum iornale ego Cristianus li Nains dimidium iornale ego Petrus Bocuels tria iornalia ego Bouenottus li Reboutez duo iornalia ego Robertus li Reboutez quatuor iornalia ego Johannes de Champuant duo iornalia ego Offredus Pouioz duo iornalia ego Girardus Fuserius dimidium iornale ego Dominicus Caprarius unum iornale ego Hugonettus Uiillie unum iornale ego Uuaucherus de Arcu duo iornalia ego Huguonettes Corchans unum iornale ego Odo Uaudriz dimidium iornale ego Humbelettus Globuz unum iornale ego Uualo Uaicherius unum iornale ego Odo filius Dominici de Curia Arnulphi duo iornalia ego Petrus li Mostallex dimidium iornale ego Humbelottus de Curia Arnulphi dimidium iornale ego Renaudus de Uaroies unum iornale et dimidium ego Uuillelmus Porterius septem quarteria ego Dominicus de Accellis unum iornale ego Petrus de Arbosio unum iornale ego Robertus de Acellis dimidium iornale et ego Girardus filius Martini Arnaut unum iornale tenemus si quidem nos et heredes nostri aut quicumque alii uineas predictas tenentes pro tempore per sacramentum a nobis prestitum super hoc corporale ipsas uineas in bono statu tenere perpetuo et annuatim competenter colere et dictis abbati et conuentui et eorum successoribus uel mandato eorumdem reddere singulis annis in perpetuum de cetero in uindemiis in capite uinearum ipsarum pro quolibet iornali ipsarum modium unum uini puri in racemis mustalibus et annuatim antequam eas uindemiemus significare eisdem abbati et conuentui uel eorum mandato in eorum ecclesia Sancti Stephani Dyuionensis quando uindemiare uoluerimus easdem Ita quod in capite uinearum ipsarum mandatum eorum annuatim capiet modium unum uini predicti de quolibet iornali earumdem Et si quod absit ipse uinee adeo aliquo infortunio deteriorarentur quod de quolibet iornali modius unus uini predicti eis persolui uel suppleri non posset de uindemia earumdem seu modium unum uini pro quolibet iornali de uino equiualenti ad respectum et estimationem uini dicti finagii non redderemus uel non suppleremus in ipsis uindemiis ipsum modium uini pro quolibet iornali infra quadraginta dies sequentes teneremur eis uel eorum mandato eorum reddere uel deffectum supplere et si aliquis ex nobis in solutione dicti modii uini pro quolibet iornali dictarum uinearum in toto uel in parte cessauerit per quadraginta dies quod absit uolumus et concedimus ut extunc uinee illius ex nobis qui in solutione dicti uini cessauerit dicti abbas et conuentus intrent possessionem et dominium et ipsum in bonis suis quecunque et ubicumque fuerint gagient et gagiare possint et debeant auctoritate propria et sine reclamatione alicuius curie et absque meffacere quousque defectum dicti uini in uino equivalenti eis uel mandato eorum suppleuerit integre et missiones si quas in gagiendo uel modo alio recuperando defectum predicti uini fecerint eis integre restituerit Et si in hiis adimplendis per annum et diem quod absit aliquis ex nobis cessauerit uolumus et concedimus sponte et prouide ut extunc uinee illorum ex nobis qui in premissis defecerint in bono statu et in illo quo tunc erunt ad dictos abbatem et conuentum et eorum ecclesiam quitte libere et sine contradictione qualibet pacifice in hereditatem perpetuam pro uoluntate eorum et successorum suorum modis omnibus et omni tempore facienda deueniant nec extunc nos uel heredes nostri aut aliquis alius in ipsis quicquam poterimus reclamare Hec autem omnia iurauimus tenere et adimplere et obseruare perpetuo et in nullo de cetero per nos uel per alios contraire Sciendum autem quod dicti abbas et conuentus censum et decimam dictarum uinearum quamdiu eas tenebimus nobis remiserunt et quittauerunt saluo eis dicto modio uini de quolibet iornali sicut superius est expressum In premissorum igitur omnium testimonium et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCC quinquagesimo