Charter Document - 05270006
| Charter Number: | 05270006 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1250 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Amideus permissione diuina abbas et conuentus ecclesie Sancti Stephani Diuionensis in Domino salutem Nouerit uniuersitas uestra quod nos recepimus et in utilitatem ecclesie nostre posuimus uiginti libras monete Stephaniensis quas dominus Nicolaus quondam capellanus nobilis mulieris Clementie domine Fontisuenne legauit prioratui de Autreio in elemosinam perpetuam pro anniuersario suo in dicto prioratu singulis annis in perpetuum faciendo et pro predictis uiginti libris monete Stephaniensis damus et concedimus in perpetuum predicto prioratui de Autreio pro anniuersario dicti domini Nicolai in ipso prioratu singulis annis in perpetuum faciendo in crastino Omnium Sanctorum quamdam uineam nostram que fuit domini Petri Truote presbiterii que et partitur cum Michaele de Aqueductu dicto de Fontanis homine nostro sitam in clauso de Biche et de ipsa uinea dominum Radulphum priorem nostrum de Autreio nomine prioratus de Autreio inuestiuimus pro anniuersario dicti domini Nicolai in ipso prioratu annuatim in crastino Omnium Sanctorum in perpetuum faciendo In cuius rei testimonium presentibus litteris sigilla nostra apposuimus Actum anno Domini MCC quinquagesimo mense decembri