Charter Document - 05270005
| Charter Number: | 05270005 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Internal, A.D. |
| Resource Link(s): |
|
Charter:
Ego Iohannes miles de Bello Ioco dominus de la Rochate uniuersis presentes litteras inspecturis in Domino salutem Nouerit uniuersitas uestra quod ego elemosinam quam dominus Huo miles dictus Chamlars defunctus quondam fecit ecclesie Sancti Stephani Diuionensis in qua ecclesia suam elegit sepulturam uidelicet de quinque modiis uini censualibus annuatim percipiendis in decima sua de Cocheio que sunt de feodo meo laudo ac ratam et firmam habeo et in perpetuum bona fide habere promitto Promitto insuper bona fide abbati et conuentui predicte ecclesie quod si aliquis uel aliqui contra predictam elemosinam uenerit uel uenerint quod Deus auertat eisdem consilium et auxilium pro posse meo impendere contra omnes In cuius rei testimonium presentibus litteris sigilla uenerabilium uirorum domini Guillelmi abbatis de Caritate et domini Symonis archidiaconi de Bello Ioco rogaui apponi Actum anno Domini MCC quinquagesimo mense nouembri