Charter Document - 05270003
| Charter Number: | 05270003 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1250 |
| Date type: | Internal, A.D. |
| Resource Link(s): |
|
Charter:
In nomine Domini amen Cum discordia uerteretur inter me Dominicum Affrous burgensem Diuionensem ex una parte et uiros uenerabiles et religiosos abbatem et conuentum Sancti Stephani ex altera super quibusdam debitis et querelis et actionibus que et quas a tempore retroacto petebam ab ipsis tandem mediante bonorum uirorum consilio cum dictis abbate et conuentu composui super predictis amicabiliter in hunc modum uidelicet quod pro dictis debitis actionibus et querelis que et quas petebam ab ipsis tradiderunt et concesserunt mihi ab hoc instanti festo Beati Laurentii quod est anno Domini MCC quinquagesimo usque ad nouem annos quicquid habent et habere possunt et debent in molendino eorum de Cheuegneio Sancti Saluatoris in omnibus reditibus exitibus prouentibus et commodis quibus cumque promiseruntque et tenentur bona fide totum ius eorum predicti molendini per dictos nouem annos garantire mihi uel meis heredibus si de me quod absit aliquid humanitus interim contigerit contra omnes et in nullo per se uel per alios contraire itaque quod ego teneor et promitto in bono statu molendinum predictum tenere per dictum terminum in eo scilicet quo ipsum molendinum accepi uel in meliori nec ipsum molendinum interim alicui uendere uel obligare potero seu ponere in manum alterius nisi redditus fructus et exitus eiusdem molendini de quibus meam modis omnibus facere potero uoluntatem Elapsis autem dictis nouem annis et omnibus supradictis penitus adimpletis dictum molendinum in bono statu in eo scilicet quo ipsum accepi uel in meliori quite libere et sine contradictione qualibet et absque debitorum onere uel alterius obligationis ad dictos abbatem et conuentum et eorum ecclesiam pacifice reuertetur Propter hoc autem ego pro me et meis heredibus quito et absolvo penitus et in perpetuum ipsos abbatem et conuentum et eorum ecclesiam de omnibus debitis actionibus et querelis in quibus ipsi et predecessores eorum mihi teneri potuerunt usque ad diem confectionis presentium litterarum teneorque eis reddere omnes litteras super debitis et actionibus et querelis omnibus de ipsis et predecessoribus eorum pro me confectas usque in diem presentem et si que littere super ipsis debitis actionibus et querelis confecte pro me de tempore retroacto de ipsis et eorum predecessoribus de cetero apparerent uolo et concedo ut nullius sint ualoris nec habeant alicuius roboris de cetero firmitatem Hec autem omnia et singula ego Bona Danna uxor dicti Dominici et nos Iohannes presbiter incuratus de Cheuegne Ollumus et Nicholaus filii dictorum Dominici et Bone Danne laudamus et rata ac firma habemus et habere tenere et servare promittimus in perpetuum et in nullo per nos uel per alios contraire et litteras aliquas super debitis actionibus et querelis de dictis abbate et conuentu uel predecessoribus eorum non habere pro dicto Dominico uel pro nobis de tempore retroacto In premissorum igitur omnium testimonium ego Dominicus predictus et nos uxor et filii eius predicti presentibus sigilla uirorum uenerabilium domini Mercatoris decani capelle Ducis et magistri Garneri decani Christianitatis Diuionensis fecimus apponi Actum anno Domini MCC quinquagesimo mense augusto in festo beati Laurentii martiris