Charter Document - 05260110
| Charter Number: | 05260110 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1248 |
| Date type: | Internal, A.D. |
| Resource Link(s): |
|
Charter:
Nos Henricus de Vergeio senescallus Burgundie ac dominus Mirebelli Elisabethque uxor eiusdem Henrici notum facimus uniuersis presentibus et futuris quod nos donationem tertiarum de toto territorio seu in adiacenti finagio Mirebelli et concessionem quam clare memorie Guillelmus quondam pater mei Henrici fecit Deo et ecclesie Sancti Stephani diuionensis necnon et permissionem quam idem Guillelmus fecit ecclesie memorate de decimis computandis et persoluendis in hospitiis Mirebelli de omnibus terris essartis et omnibus aliis de nouo ad culturam redactis vel etiam imposterum redigendis has omnes concessiones et permissiones gratas habemus et firmas ipasque promittimus et promisimus in perpetuum iuramentis nostris corporaliter prestitis tenendas ac etiam obseruandas Ne autem in posterum hominibus Mirebelli super computatione decimarum in hospitiis facienda et solutione ipsarum detur materia malignandi promittimus abbati et conuentui ecclesie supradicte nos homines Mirebelli si qui de computatione decimarum facienda et solutione ipsarum rebelles extiterint compellere ad earumdem decimarum computationem faciendam et solutionem in ipsarum hospitiis exceptione aliqua nonobstante promittentes sub religione prestiti iuramenti pro nobis heredibus et successoribus nostris dominis Mirebelli omnia supradicta seruare in perpetuum et tenere et si quod absit resiliremus ab aliquo de premissis vel contraueniremus aut non ad impleremus permissionem predictam de computatione facienda et solutione decimarum modo predicto Reuerendus pater episcopus lingonensis qui pro tempore fuerit ad petitionem ecclesie antedicte monitione premissa tam in nos quam in heredes et successores nostros dominos Mirebelli impedientes vel non ad implentes premissa excommunicationis sententiam valeat promulgare terram nostram usque ad satisfactionem condignam interdicto districto ad maiorem Si quidem roboris firmitatem sigillum reuerendi patris Hugonis Dei gratia lingonensis episcopi una cum sigillis nostris litteris presentibus apponi rogauimus in testimonium veritatis Actum anno millesimo ducentesimo quadragesimo octauo mense maij Sigillatum tribus sigillis in cera alba