Charter Document - 05260109

Innocentius episcopus seruus seruorum Dei dilectis filiis abbati et conuentui monasterii Sancti Stephani diuionensis ordinis Sancti Augustini diocesis lingonensis salutem et apostolicam benedictionem ut vestre prouideamus quieti et grauaminibus occurramus vestra supplex deuotio nos hortatur Hinc est quod nos vestris precibus inclinati auctoritate nobis presentium indulgemus ut nulli possit de aliquo prioratu vestro seu de beneficio ecclesiastico siue pensione aut in iure necessariis in vestro monasterio vel in prioratoribus ad vestrum monasterium pertinentibus prouideri per litteras sedis apostolice vel legatorum ipsius impetratas nisi per eas ius sit alicui acquisitum vel etiam impetrandas compelli nisi predicte littere plenam et expressam de toto tenore presentis indulgentie ac nominatim de vestro monasterio fecerint mentionem etiam si contineatur in eis quod aliqua sedis eiusdem indulgentia non obstitat Nulli ergo omnino hominum liceat hanc paginam nostre concessionis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum Lugduni sexto Idas aprilis pontificatus nostri anno octauo