Charter Document - 05260096
| Charter Number: | 05260096 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1245 |
| Date type: | Internal, A.D. |
| Resource Link(s): |
|
Charter:
Nos Johannes decanus capelle ducis et magister Garnerus decanus christianitatis notum facimus presentes litteras inspecturis quod cum dominus Henricus de Montibus miles et domina Regina soror sua decimam quam habebant in villa et finagio de Asneriis quam dictus Henricus tenebat et eius heredes similiter in feodum et casamentum de abbate et conuentu Sancti Stephani diuionensis et ipse dictis abbati et conuentui et successoribus eorumdem perpetuo quittauit decimam supradictam ipsi abbas et conuentus in recompensationem et escambium illius decime dederunt et quittauerunt perpetuo dicto domino Henrico et eius heredibus partem suam decime ville et finagiorum de Stabulis et de Darrois quam partem decime dominus Henricus supradictus iam recepit in feodum et casamentum ab ipsis et heredes ipsius successiue similiter a dictis abbate et conuentu qui pro tempore fuerunt in feodum et casamentum accipere tenentur in ecclesia Sancti Stephani apud Diuionem Preterea dicti abbas et conuentus dederunt domino Henrico et domine Regine ad vite eorumdem duos mansos quos habent in villa de Stabulis cum eorum appenditiis libere ita quod manentes in mansis predictis effretiare non poterunt ultra triginta solidos diuionenses annuatim quos manentes in mansis illis soluent ad festum sancti Remigii annuatim Post obitum autem dictorum domini Henrici et domine Regine ille ex iis qui superuixerit dictos duos mansos cum eorum appendiciis quamdiu vixerit modo predicto habebit et post obitum eorumdem illi duo mansi cum eorum appendiciis ad dictos abbatem et conuentum et eorum ecclesiam quiete et sine contradictione qualibet et debitorum onere reuertentur in cuius rei testimonium ad preces utriusque partis presentibus litteris sigilla nostra apposuimus Actum anno domini MCC quadragesimo quinto mense iullio