Charter Document - 05260095
| Charter Number: | 05260095 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1245 |
| Date type: | Internal, A.D. |
| Resource Link(s): |
|
Charter:
Nos Joannes decanus capelle ducis diuionensis notum facimus omnibus presentes litteras inspecturis quod constituta in presentia nostra Maria filia Tierree de Fixins uxor Martini Beliotin in bona mentis et corporis dispositione anime sue saluti cupiens prouidere pro ipsius anime sue et antecessorum suorum remedio dedit et concessit in puram et perpetuam elemosinam Deo et hospitali de Brochon et fratribus ac sororibus ibidem Deo seruientibus quamdam petiam terre arabilis sitam in territorio de Penses inter terras eiusdem hospitalis hinc et inde et de dicta petia terre dictos magistrum et fratres ac sorores dicti hospitalis corporaliter inuestiuit pro voluntate eorumdem omnimodo de cetero facienda et se ex ea coram nobis penitus deuestiuit et hanc elemosinam Martinus predictus maritus eius coram nobis laudauit voluit et concessit et ratam habuit in perpetuum atque firmam Magister autem et fratres ac sorores hospitalis predicti deuotioni postmodum dicte Marie humiliter occurrentes concesserunt eidem Marie ad vitam ipsius vineam eorum sitam in clauso medio iuxta vineam Cistertii ex una parte et iuxta vineam Giroldi Bouart de Fixins ex altera ita quod post obitum eiusdem Marie dicta vinea ad dictum hospitalem in bono statu et in illo quo die obitus eiusdem Marie inuenietur quitte libere et sine contradictione qualibet reuertetur nunc ex tunc in eadem vinea heredes ipsius Marie seu aliquis alius quidquid potuerit reclamare preterea dicti magister et fratres et sorores dictam Mariam cum ipsa decedere contigerit tenentur tanquam unam ex sororibus ipsorum in eorum hospitali sepelire in cuius rei testimonium ad preces dicte Marie et Martini predicti presentibus litteris sigillum nostrum aposuimus Actum anno Domini milesimo ducentesimo quadragesimo quinto mense maii