Charter Document - 05260075
| Charter Number: | 05260075 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1243 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Guillelmus decanus christianitatis diuionensis in Domino salutem Nouerit uniuersitas vestra quod constituta in presentia nostra Oudoions filia Bonini cognomine sire Bairs recognouit quod ipsa olim volens in transmarinis partibus peregre proficisci tunc dedit et concessit in puram et perpetuam elemosinam pro salute anime sue et antecessorum suorum laude et assensu Petri mariti sui qui coram nobis ipsam elemosinam laudauit et concessit Deo et Domui Dei de Brochons ac fratribus et sororibus ibidem Deo seruientibus quamdam petiam terre arabilis sitam versus domum predictam subtus cheminum de Belna iuxta terram eiusdem domus de qua petia terre ipsa magistrum ac fratres et sorores dicte domus corporaliter inuestiuit et a tempore dicte donationis sunt in possessione pacifica dicte terre et eadem Oudoions in elemosina predicta perseuerans in nostra presentia eamdem iterato laudauit et aprobauit et ratam in perpetuum habet et habere promittit rogans nos humiliter ut ipsam elemosinam sigillo nostro confirmemus Propter quod nos precibus eius inclinati in eiusdem elemosine testimonium et munimen predictis magistro et fratribus ac sororibus dicte domus de Broichons presentes litteras tradidimus sigilli nostri munimine roboratas Actum anno Domini millesimo ducentesimo quadragesimo tertio mense octobris