Charter Document - 05260071
| Charter Number: | 05260071 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Robertus dictus Li Montenaz domicellus filius defuncti domini Guillelmi le Mouton militis notum facio uniuersis presentes litteras inspecturis quod ego anime mee et antecessorum meorum saluti prouidere cupiens dedi et concessi in puram et perpetuam elemosinam Deo et prioratui de Fauuerneio tria iornalia terre arabilis sita in finagio de Fauuerneyo ubi dicitur en Cucheuesin secus viam que tendit a Fauuerneio en Chassaigne iuxta campum domini de Courtiuron ex una parte et iuxta terram Pratelli de Fauuerneyo filii defuncti Joannis Barberii ex altera Dedi etiam et concessi in perpetuum Deo et prioratui predicto decimam plante mee vinee site apud Fauuerneyum subtus vineam domini de Fauuerneyo et domum meam de Fauuerneyo videlicet sextum decimum sextarium vini totius dicte plante persoluendum et reddendum singulis annis in perpetuum dicto priori dicti loci in Vindemiis et si forte quod absit contingeret dictam vineam ad agriculturam casu aliquo deuenire teneor et promitto rectam decimam persoluere vel facere persolui priori qui pro tempore fuerit in prioratu predicto vel mandato suo secundum usus et consuetudines terrarum arabilium in finagio Fauuernei supradicti et hec omnia pro ut superius sunt diuisa teneor et promitto dicto prioratui garantire et fideliter obseruare et in perpetuum deffendere contra omnes iuramento super hoc prestito corporali Ego autem Guillermus dominus Fauuerney de cuius feodo predicta omnia mouent predictam elemosinam a dicto Roberto factam laudo et approbo ac confirmo et in perpetuum ratam habere promitto promittens me de cetero contra dictam elemosinam non venturum In cuius rei testimonium nos Robertus et Guillermus predicti presentibus litteris sigilla uirorum domini Petri dicti de Barro decani capelle ducis et magistri Alberici decani christianitatis diuionensis fecimus et rogauimus apponi Actum anno domini millesimo ducentesimo quadragesimo tertio mense martio