Charter Document - 05260049
| Charter Number: | 05260049 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1238 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister O[] decanus christianitatis diuionensis in Domino salutem Nouerit uniuersitas vestra quod Guillelmus de Acellis Domicellus in extremis laboraris dedit et concessit voluntate propria in puram et perpetuam elemosinam domui Dei de Breschon unum iornale terre arabilis situm apud Marliens in territorio de Serviches quod tenebat a dictis fratribus dicte Domus Dei de Breschons pro quadam petia terre arabilis in escambium que sita est ante portam domus eorum de Marliens in loco qui dicitur in Closiaux dedit etiam eisdem fratribus in puram et perpetuam elemosinam unum denarium censualem quem ei debebant annuatim ad festum Sancti Joannis Baptiste pro exitu domus eorum de Marlins Quittauit insuper idem Guillelmus prenominatis fratribus omnes actiones et querelas quas habebat vel habere poterat quoquo modo erga fratres predictos et domum eorum predictam Hanc autem donationem et escambium predictum laudauerunt et voluerunt et in perpetuum concesserunt Isabellis quondam uxor predicti Guillelmi Petrus clericus frater eiusdem Guillemi Richardus et Simon filii Isabellis predicte Sciendum preterea quod Isabellis predicta pro remedio anime predicti Guillelmi mariti sui dedit et concessit in puram et perpetuam elemosinam Domui Dei de Breschon predicte unum bichetum auene percipiendum annuatim infra festum beati Remigii in coustumis de Marliens et Petrus clericus frater dicti Guillelmi similiter pro remedio anime sui fratris et antecessorum suorum dedit et concessit predictis fratribus in perpetuam elemosinam unum bichetum frumenti percipiendum annuatim in tertiis de Marliens volentes et concedentes tam Isabellis quam Petrus predicti ut quicumque dictas coustumas et tertias tenebunt de cetero dictos duos bichetos frumenti et auene infra festum predictum beati Remigii annuatim dictis fratribus reddere teneantur Promiserunt insuper et tenentur dicti Isabellis Petrus Richardus et Simon dictas elemosinas et escambium pro se et eorum heredibus fide eorum prestita corporali eisdem fratribus erga omnes calumniantes in perpetuum garantire et quod contra predicta non venient de cetero nec venire per alium facient vel permittent In cuius testimonium presentibus litteris ad petitionem omnium predictorum sigillum nostrum apposuimus Actum anno Domini MCCXXXVIII mense septembris