Charter Document - 05260026
| Charter Number: | 05260026 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1234 |
| Date type: | Internal, A.D. |
| Resource Link(s): |
|
Charter:
Ego Robertus decanus capelle ducis diuionensis notum facio omnibus presentes litteras inspecturis quod in mea presentia constituta Adelina relicta Bertrandi de Fixins defuncti recognouit se pro necessitate sua vendidisse magistro et fratribus Domus Dei de Brochon quamdam petiam terre quam habebat apud Fixins iuxta vineam eorumdem fratrum que dicitur pre et hanc venditionem laudauerunt coram me spontanea voluntate Egidius et Maria liberi dicte Adeline et de toto iure quod in dicta petia terre habebant vel reclamare poterant se deuestierunt ipsi et dicta Adelina mater eorum et prenominatos magistrum et fratres corporaliter inuestierunt Et tenentur eis contra omnes in perpetuum garantire et si in garantia portanda deficerent voluerunt et concesserunt coram me ut dicti magister et fratres de garantia portanda se teneant ad quamdam petiam vinee sitam in territorio Dou Vignous ad urmum de pretio siquidem dicte venditionis videlicet de sex libris diuionensibus se tenuerunt coram me penitus pro pagatis Sciendum preterea quod pro dicta petia terre tenentur dicti magistri et fratres reddere annuatim in Martio sine occasione dicte Adeline et filiis eius et eorum heredibus in perpetuum tres denarios censuales Hec autem omnia laudauit coram me Johannes Boymus frater dicte Adeline et filii eius Odo Hugo et Bachardus et in huius rei testimonium ad preces omnium supradictorum presentibus litteris sigillum meum apposui Actum anno Domini millesimo ducentesimo trigesimo quarto mense Februarii