Charter Document - 05260016
| Charter Number: | 05260016 |
|---|---|
| Cartulary Title: | Essai sur le douaire dans l'ancienne Bourgogne et chartes de l'abbaye de Saint-Étienne de Dijon de 1230 à 1250. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 |
| Date type: | Internal, A.D. |
| Resource Link(s): |
|
Charter:
Nos B[] dictus Cambio miles et Sibilla uxor mea notum facimus uniuersis presentibus et futuris quod cum Johannes quondam dominus de Thard dedisset tunc temporis scilicet anno domini millesimo ducentesimo decimo octavo Deo et ecclesie Sancti Stephani diuionensis pro remedio anime Beatricis uxoris sue in perpetuam elemosinam quinque eminas bladi ad mensuram Diuionis annuatim reddendas usque ad festum omnium sanctorum ita videlicet quod canonici dicte ecclesie teneantur anniuersarium dicte B[] singulis annis celebrare dictam elemosinam collatam dicte ecclesie a pronominato Johanne ego iamdictus B[] et S[] uxor mea filia predicti Johannis laudamus et in perpetuum ratam habemus et ipsam elemosinam assignatam a dicto Johanne super molendinum de Rofenaul similiter adsignamus ita tamen quod si dicti molendini redditus ad plenariam solutionem dicte elemosine non sufficerent de reditibus nostris quos habemus in villa sancti Juliani tenemur ad plenum perficere canonici vero dicte ecclesie pro remedio animarum nostrarum post obitum nostrum debent annuatim anniuersarium nostrum celebrare in huius rei testimonium ego sepe dictus B[] sigillo nostro et sigillo O[] decani diuionensis quod ipse ad preces meas et ad preces sepe dicte Sibille uxoris mee apposuit presentem paginam fecimus roborari Actum anno gratie millesimo ducentesimo trigesimo tertio