Charter Document - 05250079
| Charter Number: | 05250079 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1229 |
| Date type: | Internal, A.D. |
| Resource Link(s): |
|
Charter:
Sciant omnes tam futuri quam presentes quod P[] abbas et conuentus sancti Stephani diuionensis amodiauerit Hugoni de Genleio molendina sua que dicuntur sancti Stephani in hunc modum videlicet quod dictus Hugo reddet dicto abbati uel [suo man]dato singulis ebdomadis usque ad nouem annos quatuor decem cartallia frumenti et dimidium illius frumenti quod in ipsis molendinis recipiet uel ad valorem nec dictum frumentum peiorabit excepta septimana natiuitatis In primo anno debet in edificiis molendini ponere X libras in aliis uero acto annis ponet annuatim C solidos et secundum arbitrium abbatis supradicti molendina et esclusas debet manutenere Ad utranque rotam reparandam et ad molendinum Estachier accipiet in Bosuassange quicquid necesse fuerit Apud Postange usque ad prefixum terminum habebit unam falcatam prati Has uero pactiones dictus Huguenot per sacramentum suum promisit fideliter et firmiter obseruare et si in aliquo deficeret quod absit Willermus de Roura tunc prepositus Diuioni et danz Mathex Foune ad mandatum dicti Hugonis dictas pactiones obseuarent et tenerent et super hoc unusquisque eorum de medietate et se et sua tanquam plegius et debitor in manu iam dicti abbatis obligauit In cuius rei testimonium ad preces supranominatorum videlicet Huguenot Willermi et Mathei ego R[] decanus capelle ducis et ego O[] decanus christianitatis diujonensis presentibus litteris sigilla nostra apposuimus Actum est anno Domini MCC vicesimo nono