Charter Document - 05250077
| Charter Number: | 05250077 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego Nicholaus decanus totumque capitulum lingonensis notum fieri uolumus vniuersis Christi fidelibus presentibus et futuris quod nos donationes ecclesiarum a reuerendis patribus nostris episcopis lingonensibus hactenus factas ecclesie sancti Stephani diujonensis abbatibus que et fratribus ibidem Deo serujentibus quas in presenciarum tenent et earum possessione iam gaudent ratas habemus et gratas uolentes et concedentes ut ipsi abbas et fratres iam dicte ecclesie sancti Stephani et eorum successores prefatas ecclesias ad Dei serujcium et honorem deinceps habeant et possideant pacifice et quiete vir uero uenerabilis P[] abbas totusque conuentus ecclesie sancti Stephani supradicte nobis firmiter promiserunt quod deinceps nullam ecclesiam nisi de consensu nostro specialiter requisito et optento adquirent in tota diocesi lingonensi concedentes expresse quod si aliter fecerint donatio eis facta aut adquisitio qualitercumque optenta post istarum litterarum confectionem nullam habeat in nostrum preiudicium firmitatem vt autem bonum pacis et uinculum caritatis inter nos mutuo in posterum conseruetur illesum remjssis inuicem uniuersis questionibus quicumque inter nos et ipsos super capitalibus tunc extabant presente et consenciente venerabile pratre nostro Hugone episcopo lingonense ita extitit ordinatum quod abbas ecclesie sancti Stephani sepe dicte quicumque deinceps canonice fuerit institutus quum faciet professionem suam in ecclesia lingonense promjttet decano et capitulo nostro in Uerbo Domini sicut sacerdos et abbas quod iusticias positas ab episcopo aut ab eius mandato aut a quocumque qui habeat potestatem ponendi pro ecclesia lingonensi per omnes ecclesias suas inujolabiliter obseruabit ac bona fide faciet obseruari Diligenter etiam atque fideliter colliget pro omnes ecclesias suas et colligi faciet confrerias et collectas restituet ecclesie lingonense Ad hec quocumque fideliter facienda iuramento astringet coram mandato nostro capellanos regulares aut seculares quicumque et quouscumque ponentur ad deseruiendum in ecclesiis supradictis prefatus siquidem P[] abbas coram domino nostro Hugone episcopo lingonense et multis de fratribus nostris hec eadem promisit fideliter suo tempore se facturum Actum anno gratie MCC vicesimo octauo mense marcio