Charter Document - 05250076
| Charter Number: | 05250076 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1228 |
| Date type: | Internal, A.D. |
| Resource Link(s): |
|
Charter:
Ego P[] abbas sancti Benigni et ego R[] decanus capelle ducis Diuionensis notum facimus uniuersis presentem paginam inspecturis quod Johannes de Castellione et Goolins burgenses Diuionis in nostra presentia constituti omne debitum quod pro Petro Estace defuncto reclamabant in ecclesia sancti Stephani Diuionis uel in menbris eiusdem ecclesie quitauerunt et si forte alique littere apparerent super hoc nullius essent ualoris nulliusque momenti preterea supradictus Joannes in perpetuam dedit et concessit elemosinam iam dicte ecclesie beati Stephani quicquid iuris habebat uel habere debuerat in manso Merilot sito iuxta domum lapideam Galteri Bellute In cuius rei testimonium ad preces supra nominatorum Johannis uidelicet et Goolin sigillorum nostrorum munimine presentem paginam roboramus actum est anno domini MCC vicesimo octauo