Charter Document - 05250071
| Charter Number: | 05250071 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1226 |
| Date type: | Internal, A.D., Feast |
| Resource Link(s): |
|
Charter:
Ego Nicolaus diuionensis archidiaconus omnibus presentes litteras inspecturis notum facimus quod cum discordia uerteretur coram nobis inter magistrum et fratres Domus Dei de Breschons ex una parte et Petrum de Pontaymeri ex altera super quadam mina bladi mediatate frumenti et medietate tremisii quam iidem magister et fratres petebant ab eo ratione elemosine sibi facte ab Odone de Vergeio defuncto in parte illa quam idem Petrus tenebat in molendino de Rafetis in eodem molendino singulis annis percipienda iure perpetuo et sine aliqua missione in festiuitate Omnium Sanctorum tandem partibus in nostra presentia constitutis in iure prenominatus Petrus confessus est quod dicta mina bladi debetur prenominatis magistro et fratribus supra dictam partem molendini iure perpetuo singulis annis percipienda in festiuitate Omnium Sanctorum sine aliqua missione et promisit se eam redditurum dictis magistro et fratribus singulis annis termino supradicto in dicta parte molendini supradicti In huius rei testimonium et munimen ad petitionem partium presenti pagine sigillum nostrum apposuimus Datum Diuione anno Domini MCCXXVI februario mense dominica proxima post octabas purificationis Beate Virginis