Charter Document - 05250064
| Charter Number: | 05250064 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1224 |
| Date type: | Internal, A.D. |
| Resource Link(s): |
|
Charter:
Ego H[] archidiaconus diuionensis omnibus presentes litteras inspecturis notum facio quod Hugo de Corueia miles in presencia nostra constitutus iuramento interposito promisit bona fide P[] abbati sancti Stephani diuionensis qui iuramentum recepit se redditurum litteras suas dicto abbati usque ad Pascha super uenturum que ligate fuerunt in manu fratris Aymardi templarii pro ducissa Burgundie de mandato domini Hugonis pro quatuor centum libris diuionensibus quas si usque ad dictum terminum non reddiderit Guido Chauchardus Renaudus de Castellione Humbertus de Bessua burgenses diuionenses fide sua in manu abbatis data promiserunt se tenere ostagium infra abbaciam sancti Stephani diuionensis ad requisicionem ipsius abbatis ita quod muros clausute ecclesie sancti Stephani non possunt exire nisi de mandato ipsius abbatis quousque ducentas libras abbati sepe dicto reddiderint Insuper dictus Hugo obligauit se et omnia bona sua in manu dicti abbatis quod omni tempore dictam ecclesiam tam de sorte quam de grauaminibus quantum ad prefatas litteras indempnes conseruaret Preterea dictus Hugo ab omni debito quo unquam dicta ecclesia in manu sua pro se uel proalio fuit obligata tam abbatem quam ecclesiam totaliter adquitauit In huius rei testimonium ad peticionem utriusque partis sigillum meum apposui Actum anno Domini MCCXX quarto Ego uero Odo decanus Diuionensis tenorem huius modi litterarum propriis oculis inspexi sigillo dicti H[] tunc archidiaconi diuionensis sigillatam