Charter Document - 05250061
| Charter Number: | 05250061 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1223 |
| Date type: | Internal, A.D., Calendar |
| Resource Link(s): |
|
Charter:
C[] miseratione diujna portuensis et sancte Ruffine episcopus apostolice sedis legatus vniuersis ad quos presentes littere peruenerint salutem in Christo Jhesu nouerit uniuersitas uestra quod Petrus abbas et conuentus sancti Stephani diujonensis ad preces nostras fratribus clarevallensibus concessionem fecerunt que sequitur in hunc modum Notum sit omnibus tam presentibus quam futuris quod nos Petrus abbas et conuentus sancti Stephani diuionensis liberaliter et sponte intuitu pietatis et ad instanciam venerabilis patris domini Conradi portuensis et sancte Ruffine episcopi apostolice sedis legati tunc concessimus ut in perpetuum possint celebrari diuina in domo Clarevallensi diuionensis super altare non consecratum in altari portatili dum tamen monachus sit ordinis [cisterciensis qui fuerit] celebraturus ibidem et ita quod propter diujnorum celebrationem ibi certam moram non faciat [tanquam ad hoc adscitus] Nulli ernim ibidem celebrare licebit nisi fuerit monachus ordinis cisterciensis veruntamen si forte abbas clarevallensis uolet litteris suis patentibus nobis collatis uel conferendis hanc nostram concessionem acceptare nolumus eandem concessionem alicui esse momenti sed prorsus irritam et inanem Addimus etiam quod ad prefatum altare nulla recipietur oblatio nec ibidem alicui de familia eiusdem domus nec etiam externo exhibebitur ecclesiasticum sacramentum et si forte quod absit ibi aliqua recipietur oblatio abbatis sancti Stephani erit Nos igitur concessionem et conuentiones predictas ratas habentes et gratas legationis auctoritate qua fungimur precipimus ut plenius et fideliter obseruentur et ne a quoquum aliquid in contrarium attemptetur Actum apud Diuionem anno Domini MCC vicesimo tercio quarto kalendas septembris