Charter Document - 05250060
| Charter Number: | 05250060 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1223 |
| Date type: | Internal, A.D. |
| Resource Link(s): |
|
Charter:
Ego Radulphus presbiter belnensis omnibus notum facio quod Robelinus clericus belnensis in presentia mea quittauit et concessit in perpetuum Deo et beate Marie et fratribus Domus de Breschon domum illam cum appenditiis sitam iuxta domum cistertij Belne foris muros ville quam Landricus clericus dicti Robelini auunculus pro remedio anime sue et omnium antecessorum et benefactorum suorum dedit in perpetuam elemosinam cum appenditiis Domus Dei de Broichon et fratribus supradictis dicti uero fratres de bonis suis dederunt predicto Robelino uiginti libras diuionenses de quibus ipse se tenuit penitus in mea presentia pro pagato quare dictam domum cum iuribus que in ea habebat uel habiturus erat dictis fratribus quittauit in perpetuum et concessit In cuius rei testimonium ad petitionem dicti Robelini presentem cartam prefatis fratribus sigillo meo tradidi sigillatum Actum anno Domini millesimo ducentesimo vicesimo tertio