Charter Document - 05250059
| Charter Number: | 05250059 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1222 |
| Date type: | Internal, A.D. |
| Resource Link(s): |
|
Charter:
Sciant omnes tam futuri quam presentes quod cum discordia uerteretur inter P[] abbatem sancti Stephani diuionensis ex una parte et G[] dominum de Franceis ex altera super quodam homine scilicet Stephano Coifete et rebus aliis pacificatum est in hunc modum Uidelicet quod dictus abbas quitauit predicto domino supradictum hominem sub hac forma scilicet quod Petrus primogenitus tam dicti Stephani erit homo iam dicte ecclesie et possidebunt ipse et heredes sui mansum beati Stephani cum domo et omnibus appenditiis suis ad uolontatem supradicte ecclesie si uero supradictus Petrus ab hac uita migrauerit absque heredibus iam dicta ecclesia in predicto manso ad uoluntatem suam hominem habebit tenebit quiete et perpetuo possidendo exceptis hominibus domini supradicti Si uero dominus aliquid iuris habebat in sepe dicto Petro tam ipsum quam heredes eius siue illos qui iam dictum mansum possidebant dicte ecclesie acquitauit eumdemque mansum [ecclesie] proprium sancti Stephani recognouit Preterea idem dominus in puram et perpetuam dedit et concessit elemosinam ecclesie sancti Stephani et ecclesie de Franceis decimas culture sue ita quod cum communi decimatione dicte uille jactabuntur Abbas uero et dominus communem domum si uoluerint habebunt in manso ad quem consuetum erat decimas adunare ad quam commune decime congregabuntur Quicumque enim domum illam possidebit tam abbatis quam domini erit homo et ipse utriusque fidelitatem obseruans domum et decimas fideliter conseruabit Hec omnia S[] uxor domini memorati et eorum filii uidelicet Symon et Villermus uoluerunt et laudauerunt Et ne qua super hoc in posterum possit oriri questio ad precentes supradicti domini cum sigilli sui appositione Ego R[] decanus capelle ducis diuionensis sigilli mei munimine presentem paginam roboraui Auctum anno gratie MCC vicesimo secundo mense decembri