Charter Document - 05250054
| Charter Number: | 05250054 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1221 |
| Date type: | Internal, A.D. |
| Resource Link(s): |
|
Charter:
Ego Robertus decanus capelle ducis diuionensis et ego Jacobus decanus christianitatis diuionensis omnibus notum facimus quod cum discordia uerteretur inter Robertum magistrum Domus Dei de Breschons et fratres eiusdem domus ex una parte et Attardum priorem sancti Marcelli cabilonensis ex altera super mensura bladi quam fratres dicte Domus de Breschon reddunt priori de Flori annuatim etiam prior predictus dicebat quod bladum illum debebat accipere ad mensuram de Flori predicti uero Robertus magister et fratres Domus de Breschon quod non ad mensuram de Flori sed ad mensuram Diuionis debebatur reddi tandem apud Diuionem nobis et Haymone Pestet et magistro Columbo et multis aliis in capella ducis presentibus dicta discordia pacificata est in hunc modum quod Domus Dei de Breschon de cetero reddet predictum bladum scilicet sex eminas priori de Flori ad mensuram Diuionis et ultra illas sex eminas reddet annuatim unum quartallum bladi medietatem frumenti et medietatem tremesii In cuius rei testimonium ego Robertus decanus capelle ducis et ego Jacobus decanus christianitatis diuionensis presenti pagine sigilla nostra apposuimus Actum anno dominice incarnationis millesimo ducentesimo uicesimo primo