Charter Document - 05250050
| Charter Number: | 05250050 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1210 |
| Date type: | Internal, A.D. |
| Resource Link(s): |
|
Charter:
Nouerint omnes qui presentem paginam uiderint quod Hugo de Laye dedit pro remedio anime sue et antecessorum suorum Domui de Breschon unum modium uini in perpetuam elemosinam quem assignauit presentibus fratribus eiusdem Domus in uinea sua des Chauanes singulis annis reddendum in uindemiis et in racemis eamdem uero uineam accensiuit Reuerio filio suo qui presentem elemosinam laudauit et reddere promisit magister uero predicte Domus tam ipsum quam uxorem suam in fratrem recepit spiritualem et si ibidem sibi sepulturam eligere uellent more fratrum sepelirentur Sin autem audito die obitus sui officium eis reddetur tanquam uni de fratribus ad preces autem utriusque partis R[] capelle ducis diuionensis et A[] oscariensis decani presentem paginam sigillorum suorum munimine roborauerunt Actum est hoc Verbi incarnati millesimo ducentesimo decimo nono mense augusti