Charter Document - 05250048
| Charter Number: | 05250048 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Lay |
| Charter Type(s): | Award |
| Date: | 1219 |
| Date type: | Internal, A.D., Feast |
| Resource Link(s): |
|
Charter:
Ego Odo dominus Montis Acuti notum facio uniuersis presentem paginam inspecturis quod cum inter uenerabilem uirum P[] abbatem sancti Stephani diuionensis ex una parte et inter B[] militem de Marne ex altera questio uerteretur super quadam pecia uinee que est in cumba Johannis Molendinarij in manso Johannis Carpentarij compromissum fuit hinc inde in dominum Odonem clericum de sancto Michaele et dominum Johannem Bertelas militem per quos tota controuersia pacificata fuit in hunc modum dictus siquidam miles aquitauit penitus prenominato abbati et ecclesie sancti Stephani diuionensis supra memoratam peciam uinee saluis quatuordecim denarijs censualibus de marcio in marcium persoluendis et mansum supradictum abbas uero de bonis ecclesie dedit prefato militi nouem [libras] albos diuionensis monete dicta quedam compositio facta fuit laudantibus et consentientibus Natali usore et Alnulfo filio usoris militis supradicti Quod ut ratum et firmum maneret ad peticionem utriusque partis sigillo meo presentem paginam roboraui Actum Diuione anno gratie MCCXIX mense februarii dominica bordarum