Charter Document - 05250044
| Charter Number: | 05250044 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1218 |
| Date type: | Assigned |
| Resource Link(s): |
|
Charter:
Reuerendo patri suo in Christo ac Domino W[] Dei gratia lingonensis episcopo J[] decanus christianitatis diuionensis debitam reuerenciam cum salute paternitati uestre notum facio quod omnes homines de Dumoy laude et assensu Haymonis et Odonis militum dominorum eiusdem uille et filiorum eorumdem Johannis Petri et Odonis iurauerunt et tam ipsos quam heredes suos perpetuo debitores constituerunt quod redderunt et reddi facerent ecclesie sancti Stephani diuionensis infra portas abbatie decem minas bladi receptibilis nomine pensionis ita quod medietas sit frumenti et medietas auene usque ad festum omnium sanctorum in integrum persoluendas Abbas uero et conuentus sancti Stephani diuionensis concesserunt eis in perpetuum boscum quod dicitur Chanbretum et La Guoite et duas partes cuiusdam curuate que sita sunt iusta uillam de Dumoy tali tenore adiuncto quod si dicti homines dicte ecclesie loco et tempore dictas decem minas non reddiderint dominus abbas capiet boscum et curuatam et La Goite hominibus memoratis excommunicationi nichilominus supponendis