Charter Document - 05250043
| Charter Number: | 05250043 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego Dominjcus Bigoz tunc maior communie diuionensis omnibus presentes litteras inspecturis notum fatio quod P[] abbas sancti Stephani diuionensis totusque conuentus eiusdem ecclesie accensiuit hominibus de Demois boschum de Campo Bertuyn et duas partes curuate que est iuxta dictum boscum et Lagote pro decem minis bladi receptibilis medietate frumenti et mediate auene laude et assensu Haymonis et Odonis militum dominorum de Demois et filiorum eorumdem Johannis Petrj et Odonis prestito ab omnibus hominibus iuramento quod usque ad octavis beati Remigij intra portas sancti Stephani diuionensis annuatim persoluent Si uero dicti homines quod absit dictis loco et tempore dictum bladum in integrum non soluerent nos dictos boscum sub Campo Bertuyn curuatam et Laguotem possumus capere et in manu nostra tenere sine aliqua reclamatione prefatos homines tam de capitalj quam de XX solidis pro emenda nichilominus uadiando Nos uero eisdem hominibus accensiuam illam debemus coram judice ecclesiastico guarantire Quod ut firmum et ratum permaneat presentem paginam sigilli dicte communie munimine roborauj Anno Domini MCCXVIII mense martio