Charter Document - 05250042
| Charter Number: | 05250042 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1218 |
| Date type: | Internal, A.D. |
| Resource Link(s): |
|
Charter:
Ego R[] capelle ducis et ego J[] christianitatis decanus diuionensis notum facimus quod quedam pacta intercesserunt inter abbatem et conuentum sancti Stephani ex una parte et J[] Angelum ex altera quorum pactorum forma talis est Ego Petrus Dei gratia dictus abbas ecclesie sancti Stephani diuionensis totumque eiusdem ecclesie capitulum notum facimus omnibus litteras istas inspecturis quod nos dedimus et concessimus J dicto Angelo famulo et homini nostro duos furnos quos habebamus in parrochia sancti Petri diuionensis extra muros quorum unus situs est ante domum Humberti Lusci et alter circa crucem albam ipsi Jacobo et heredibus suis perpetuo possidendos quandiu de dominio nostro erunt et si dominium nostrum reliquerint dicti furni cum edificijs ad opus eorumdem furnorum factis libere ad ecclesiam nostram redirent ita tamen quod prenominati Jacobus uel heredes suj quamdiu dictos furnos possidebunt persoluent ecclesie prenominate uel ipsius mandato singulis annjs triginta octo libras censuales diuionensis monete medietatem scilicet reddendam in octabis sancti Joanis baptiste et alteram medietatem reddendam in octabis omnium sanctorum et si prefata moneta lege uel pondere augeretur uel minueretur sepefatj Jacobus uel heredes suj persoluent nobis de jam dicta censa pro quatuor libris vnam marcham argenti curentis inter mercatores sciendum est quod supradictj Jacobus scilicet et heredes suj possunt maritare de jam dictis furnis filias suas in hominjbus nostris qui dictos furnos possidebunt dumde dominio nostro erunt salua tamen censa nostra prenominata et si dominium nostrum reliquerint antedictj furnj ut supra dictum est ad ecclesiam nostram libere redirent preterea sciendum est quod antedictj Jacobus uidelicet uel heredes suj vel quicumque dictos furnos ex parte ipsorum possideat non possunt ipsos furnos uendere nec pignorare nisi de consensu nostro fuerjnt et ut hoc ratum permaneat nos dictj decanj ad preces utriusque partis presentem paginam sigillorum nostrorum munimine roborauimus Actum anno gratie MCCVIIIX