Charter Document - 05250036

Ego Wuillermus Dei gratia lingonensis episcopus notum facio omnibus presentes litteras inspecturis quod P[] abbas sancti Stephani diuionensis laude et assensu capituli sui aschengiauit Domui Dei de Broyschon pratum quod dicitur pratum Arecon et pratum quod dicitur pratum Arduin et quidquid iuris in eis habet pro quibus sex miche et sex prebende uini et nouem denarij et unus caseus et dimidius famulis domini de Tart annuatim debentur et predicta Domus Dei de Broyschon pro predicto eschangio dedit abbati et abbacie sancti Stephani diuionensis unum iornellum uinee et dimidium situm in territorio de Chenoues pro quibus abbas et abbacia debent reddere decem et octo denarios censuales in marcio sex ecclesie uel capellano de Chenoues duodecim ministro qui recipiet census canonicorum Eduensium ad quos pertinet uilla de Chenoues preterea pro predicto eschangio domus predicta de Brochon tenetur reddere annuatim eidem abbati et abbacie siue successoribus eius quatuor modios uini in racemis siue aqua de Clauso quod situm est intra clausuram predicte Domus Dei de Broyschon Et quando Domus predicta uolet uindemiare clausum predictum una die antequam uindemiet clausum mittet predicta Domus unum de conuersis uel clericis suis ad abbatem siue ad abbaciam qui significabit eis siue procuratori eiusdem abbacie quod mittant eis nuncium suum qui recipiat quatuor modios uini de clauso predicto et de pede quos in dolio abbatis receptos domus prelibata tenetur ducere ad prioratum de Marcennay pertinentem ad abbaciam sancti Stephani Et si uehiculum quo ducetur uinum subruatur per negligentiam siue per culpam predicte Domus sicut per fracturam uel per aurigam siue per equos uel per aliquo alio modo qui uideatur esse culpa Domus Domus Dei tenetur resarcire si uero per culpam abbatis uel abbacie uinum depereat sicut per dolium uel circulos seu capiatur pro debito abbatis uel abbacie Domus Dei immunis erit nec in aliquo tenetur resarcire si uero Domus Dei siue per negligentiam seu per ignoranciam uel per obliuionem non misit ad abbatem uel procuratorem abbacie nuncium suum pro uindemiatura clausi predicti domus predicta pro emenda tenebitur abbati uel abbacie in uiginti solidos et tamen reddet uinum si uero per negligenciam siue per culpam abbatis uel abbacie siue procuratoris eiusdem non uenerit nuncius ad Domum Dei clausum predictum uindemiabitur nec exspectabitur nuncius abbatis et domus erit immunis ab emenda et tamen uinum purum reddetur de eodem clauso et in bona fide et predicto modo ducetur ad prioratum similiter pro predicto eschangio Domus Dei debet reddere annuatim et ducere ad predictum prioratum de Marcennay quatuor minas annone medietatem frumenti receptibilis medietatem auene infra octabas omnium sanctorum post octabas si recepta non fuerit annona domus tenebitur in emenda de uiginti solidis et tamen reddet annonam Si forte contigerit quod domus prelibata abbacie sancti Stephani non reddat sicut se obligat reddere predicta abbacia tenebit se ad domum predictam uel ad appendicias eiusdem quod ut ratum habeatur et firmum ad peticionem utriusque partis feci persentem cartulam sigillari in testimonium facti predicti Actum anno incarnationis dominice MCC sexto decimo mense Iunio Datum apud Diuionem