Charter Document - 05250029
| Charter Number: | 05250029 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1213 |
| Date type: | Internal, A.D. |
| Resource Link(s): |
|
Charter:
Noscant omnes qui presentem paginam uiderint quod Martinus et Belinus Li Tixerant de Fixeio fratres laude et assensu uxorum suarum et filiorum suorum dederunt perpetuo in elemosinam libere et sine seuitio Domui Dei de Breschon unam petiam terre sitam ad Cheuiere iuxta uiam que tendit ad Clemence et propter hoc fratres predicte domus fecerunt eos participes orationum suarum et de bonis predicte domus receperunt septem libras et quinque solidos diuionenses Actum est hoc in presentia Aimonis tunc magistri laude et assensu fratrum et sororum predicte domus ad maiorem uero roboris firmitatem ad preces utriusque partis J[] decanus diuionensis presentem paginam suo sigillo roborauit anno Verbi incarnati MCCXIII mense augusti quo hac facta sunt et etiam in recognitione doni suprascripti predicta Domus debet tam eis quam heredibus eorum sex denarios censuales in argento sine emenda et occasione ut magis teneantur garantire