Charter Document - 05250026
| Charter Number: | 05250026 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1213 |
| Date type: | Internal, A.D. |
| Resource Link(s): |
|
Charter:
Ego Odo dux Burgundie omnibus notum facio quod cum pater P[] abbatem sancti Stephani diuionensis et dominum Itherum de Toceio super quibusdam elemosinis scilicet vineis pratis domibus mamssis et aliis tenementis que Bartholomeus presbiter de Sarrineio et Johanes Munerius in villa Sarrineii ecclesie sancti Stephani in perpetuam elemosinam cumtulerant discordia verteretur eo quod dictus J[] firmiter assereret quod prenomcinatus presbiter neque idem Johanes elemosinam illam eidem ecclesie poterant iuste conferre Tandem requisitus ab eodem J[] dilecto clerico meo magistro Colunbo archidiacono masticonensis et thesaurario capelle mee diuionensis eamdem discordiam audiendam commisi utrum prefatus presbiter et iam dictus Johanes Munerius eamdem elemosinam eidem ecclesie possent in elemosinam conferre necne Prefatus autem magister Colunbo inquisita super his diligenter ueritate didicit a certis incolis illius terre quod sine alicuius offensione eamdem elemosinam eidem ecclesie uel alibi poterant secundum consuetudines terre iuste conferre Et dominus J[] easdem elemosinas laudauit et comprobauit Ne vero inter utrosque de cetero super eisdem elemosinis questio oriretur secundum quod a magistro Colunbo audiui ego ipse eamdem elemosinam laudaui et approbaui de iure volens quod ecclesia sancti Stephani perpetuis temporibus eam possideret hoc tamen saluo quod dominus J[] in eadem elemosina talem iusticiam habebit qualem in prioratu sancti Sequani qui est adpud Sarrigneium dignoscitur habere Actum hoc est anno ab incarnatione Domini MCC tercio decimo