Charter Document - 05250024
| Charter Number: | 05250024 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1212 |
| Date type: | Internal, A.D. |
| Resource Link(s): |
|
Charter:
Ego Guido dominus Tilecastri notum facio tam presentibus quam futuris quod ego dedi in elemosinam et concessi uxore mea Guillemete laudante beate Marie et fratribus Domus Dei de Tilecastro pro remedio anime mee et antecessorum meorum triginta minas bladi in reditibus molendinorum de Tilecastro que subiacent ponti de ualle annuatim libere et quiete persipiendas donec ab instanti festo beati Remigii quinque annorum terminus plenarie compleatur et ut hoc firmius obseruetur in huius elemosine testimonium presenti pagine sigillum meum apposui Actum anno gratie millesimo ducentesimo duodecimo mense aprili