Charter Document - 05250023
| Charter Number: | 05250023 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1212 |
| Date type: | Internal, A.D. |
| Resource Link(s): |
|
Charter:
Ego Rainaldus de Sisce maior comunie Belne et Scabini omnibus notum facimus quod Hugo Posserius de Belna dedit et concessit ecclesie sancti Stephani diuionensis pro remedio anime sue et parentum suorum tria iornalia uinee et dimidium in territorio de Boteres in elemosinam perpetuis temporibus tenenda et possidenda dedit etiam dolia et cupas que duodecim iornalium uinee capient uinum insuper dedit eidem ecclesie quatuor culcitras cum quatuor puluinaribus Petrus uero tunc temporis eiusdem ecclesie abbas et conuentus uidentes eius bonam uoluntatem et intentionem quam erga ecclesiam habebat concesserunt ei illa tria iornalia et dimidium cum superlectilibus supradictis et quibusdam aliis uineis que fuerant domini Nicolai decani capelle ducis Diuionis cum quadam domo et uineis domini Henrici decanabis quandiu uixerit tenenda et possidenda ita tamen quod predicte uinee et domus cum superlectilibus iam annotatis post mortem eiusdem Hugonis Posserii ad ecclesiam sancti Stephani Diuionis libere redibunt sine omni reclamatione et onere debitorum hoc totum laudauit Lambertus Posserius pater illius Hugonis Posserii et Sibilla mater eius et Elizabet soror sua in huius rei testimonium ego Rainaldus maior comunie Belne presenti scripto sigillum comunie Belne apponi feci Actum est hoc anno gratie millesimo ducentesimo duodecimo