Charter Document - 05250021
| Charter Number: | 05250021 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1211 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus seruus seruorum Dei dilectis filiis pauperibus Domus Dei de Tilicastro salutem et apostolicam benedictionem iustis petentium desideriis dignum est nos facilem prebere consensum et nota que a rationis tramite non discordant effectu prosequente complere ea propter dilecti in Domino filii uestris iustis postulationibus grato concurrentes assensu domum et personas uestras cum omnibus bonis que in presentiarum rationabiliter possidetis aut in futurum iustis modis Deo propitio poteritis adipisci sub beati Petri et nostra protectione suscipimus specialiter autem elemosinam quam dominus Tilicastri nepos uenerabilis fratris nostri episcopi lingonensis de concilio eius in molendinis et bosco et rebus aliis domui uestre prouida pietate concessis sicuti iam iuste et pacifice possidetis et in autentico scripto eiusdem episcopi proponitur contineri nobis et per nos eidem domui auctoritate apostolica confirmamus et presentis scripti patrocinio communimus nulli ergo omnino hominum liceat hanc paginam nostre protectionis et confirmationis infringere uel ei ausu temerario contraire Si quis autem hoc altemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum apud sanctum Germanum decimo sexto calendas augusti pontificatus nostri anno tridecimo