Charter Document - 05250016

Nos Jehan sire de Tilchâtel facons scauoir à tous celz qui uerront ces presentes lettres que comme nous par la requeste et par la prière de l'abbé de sainct Estienne de Dijon avons pris et faict panre les hommes et les femmes d'Ahust laquele vile est de l'eglise de sainct Estienne deuant dict que nous an quittons l'abbé deuant dict et la deuant dicte église et tous les menbres de l'eglise de tous costes de toutes missions et de tous dommages et de toutes accusons fors seulement tant que li rois de France ny ses commendements ne messires les ducs de Borgongne se commendements nos ammeneriens au plato ne demadient rien que li deuant dicts abbés nos est tenu de poute garantie et de garder de dommage uers aux en tesmoignage de laquelle chose nos avons baillé au deuant dict abbé de sainct Estienne de Dijon ces lettres saellées de nostre sael et ce fut faict en l'an de l'incarnation nostre seigneur qui courait par mil deux cent et hon au mois d'auril