Charter Document - 05250011
| Charter Number: | 05250011 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1207 |
| Date type: | Internal, A.D., Calendar |
| Resource Link(s): |
|
Charter:
Ego dominus Huo de Uirgeio omnibus notum facio quod ego et Stephanus abbas sancti Stephani diuionensis assensu et consensu tocius eiusdem ecclesie conuentus quamdam societatem quam cum domino Milone abbate predecessore suo de communi ecclesie sue consilio feceramus scilicet de territorio de Autreio et de territorio Uiridifontis pari uoluntate fecimus in hunc modum quod apud uiridem fontem quamdam uillam edificabo tali conditione quod abbas et canonici medietatem tocius uille tam in collectis in tallijs quam in omni iusticia et in omnibus alijs que de predicta uilla prouenerint habebunt excepto quod molendinum et furnum et tercias et ecclesiam eiusdem uille absque parte meorum successorum uel mei idem canonici proprie habebunt et libere possidebunt nec in uilla illa michi uel successoribus meis alium furnum uel aliud molendinum licebit construere uel edificare nisi tantum modo canonicis Nullus maior uel prepositus uel aliquis officialis in dicta uilla aliquando instituetur nisi assensu et consensu utrisque partis set cum institutus fuerit abbati et ecclesie et fratribus ibi commorantibus michique et successoribus meis fidelitatem iurare tenebitur et tam de omnj iusticia quam de predicte uille prouentibus propter illa que in usus suos proprios sicut supranotatum est retinuerunt utrique parti fideliter reddens equaliter respondebit Sciendum est etiam quod grangiamque uocatur Bergeria cum omni manso eidem grangie infra clausuram aiacenti et uiginti iornales terre arabilis in circuitu grangie et medietatem prati quod dicitur Pratum Molendini Dates absque parte mei uel successorum meorum similiter proprie habebunt Iterum sciendum est quod medietatem habebunt in omnibus tam infra municionem quam extra et in uenationibus nemorum et piscaturis aquarum et in inuentione apium et in pasturijs et in stagno Habebunt etiam ipsi canonici et tota uilla iamdicta usagium in nemoribus et in pasturijs et in aquis de Autreio tanquam proprii homines mei Cum dictum est etiam inter me et iandictos canonicos quod nec ego nec heredes mei poterimus uillam illam alicui uendere uel pignori obligare uel in elemosinam dare nec casamentum alicui facere in ecclesie sancti Stephani diuionensis Similiter nec ipsi nec michi uel heredibus meis habebunt etiam absque parte mei uel meorum prioratum de Autreio et tertiam partem decimarum eiusdem uille et capellam de Poiens et capellam de Broes cum parte sua de decima de Broes et quidquid habent apud Champeignes et quidquid habent in territorio sancti Secani quidquid etiam habent apud Lentille Ut autem hoc in posterum ratum habeatur hec omniaque in presenti carta prenotata sunt Egidie uxori mee et filijs meis laudare et aprobare feci et sigillo Odonis nobilis ducis Burgundie et meo coroboraui Actum est hoc anno incarnati Uerbi millesimo ducentesimo septimo idibus decembris