Charter Document - 05250006
| Charter Number: | 05250006 |
|---|---|
| Cartulary Title: | Les foires et marchés à Dijon, essai d'histoire économique et chartes de l'abbaye de Saint-Etienne de Dijon de 1200 à 1230. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 |
| Date type: | Internal, A.D. |
| Resource Link(s): |
|
Charter:
Ego Jacobus decanus Diuionis presentibus et futuris notum facio quod Johannes Vacherus dedit et concessit in elemosinam ecclesie sancti Stephani diuionensis XXXta solidos diuionenses reddendos annuatim in uigilia Pentecostes quam elemosinam idem Johannes posuit super uineam suam de Moupoil ut videlicet quicumque tenuerit eamdem uineam XXXta solidos prefate ecclesie termino statuto annuatim persoluet que persolutio si prefato die facta non fuerit infra octo dies poterit fieri si uero nec tunc facta fuerit abbas et canonici dicte ecclesie pro ut poterunt eosdem XXX solidos mutuo accipient quod si possessor eiusdem uinee usque ad sequens festum sancti Johannis cum grauaminibus non reddidit abbas et canonici dicte ecclesie predictam uineam uindemiabunt fructumque eius libere absque contradictione eodem anno percipient hoc factum laudauit Ualo filius eiusdem Johannis ad cuius dominium eadem uinea hereditario iure proueniebat et Dunes uxor eiusdem Valonis In huius rei testimonium ego ad petitionem eorumdem Johannis scilicet et Valonis filii eius sigillum meum presenti pagine apposui Actum anno gratie MCC