Charter Document - 05240113
| Charter Number: | 05240113 |
|---|---|
| Cartulary Title: | Poursuite privée et composition pécuniaire dans l'ancienne Bourgogne et Chartes de l'abbaye de Saint-Étienne de Dijon de 1155 à 1200. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1196 |
| Date type: | Internal, A.D. |
| Resource Link(s): |
|
Charter:
Garnerius Dei gratia Lingonensis Episcopus omnibus ad quos littere iste peruenerint salutem in Domino Uniuersitati uestre notum facimus quod cum inter Herueium priorem sancti Florentii de Tilicastro et Domum Dei eiusdem Castri super quibusdam querelis grauis dicordia haberetur discordia illa in hunc modum pacificata est quod prior prenominatus de concilio et consensu Abbatis et Capituli querelas quas adversus prefatam Domum habebat scilicet de cimeterio eiusdem Domus et de decimis noualium suorum de decimis etiam porcorum et de quodam manso quod fuit Richardi medici et de terra Lamberti Fiardi in presentia nostra eidem Domui in perpetuum libere tenendas concessit magister uero eiusdem Domus iamdicto priori et prioratui Sancti Florentii pro bono pacis L libras Stephanienses dederunt Insuper cum conuersi Domus de quadam grangia et alia quadam que in autentico Abbatis sancti Stephani et Conuentus continentur ab eisdem Canonicis pro LX et X libris Stephaniensibus obligate tenentur et dictum fuit et statutum quod ipsi Canonici eamdem grangiam nullo modo usque ad decem annos uel per se uel per alios redimere poterunt sed cum Canonici redemptionem grangie a Canonicis recipere tenentur et pro fructu gagerie de redemptione Canonicis sancti Florentii X libras dimitterent Huius rei testes sunt R thesaurarius Lingonensis Hocherus decanus Diuionis Vilo cantor Lingonensis Dominicus capellanus sancti Apolinaris Hugo dominus Tilicastri Pesferri prepositus Odo de Marcilleio Actum est hoc anno incarnati Uerbi MCXC sexto