Charter Document - 05240099
| Charter Number: | 05240099 |
|---|---|
| Cartulary Title: | Poursuite privée et composition pécuniaire dans l'ancienne Bourgogne et Chartes de l'abbaye de Saint-Étienne de Dijon de 1155 à 1200. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 |
| Date type: | Internal |
| Resource Link(s): |
|
Charter:
Ego Petrus Dei gratia Diuionensis Abbas notum facio tam presentibus quam futuris quod Stephanus et Jullianus Ramaigi dederunt Deo et Fratribus Dei de Brochon utramque domum suam lapideam et ligneam Martino fratre suo concedente in presentia nostra quoquo modo contingat eos remanere in itinere Ierusolomitano si alter eorum remanserit in dicto itinere predicti Fratres habebunt mediam partem utriusque domus si uero alter eorum uel uterque redierit non licebit eis infra septennium redimere nec etiam licebit eisdem dare aut vendere uel inuadiare alicui nec Fratribus Domus Dei de Brochon si ipsi fratres tantum uoluerint dare quantum alius inde est quod Fratres de Brochon accomodauerunt Stephano et Iuliano quinque marcas argenti et dimidiam supra utramque domum et quidquid iamdicti Fratres expendent in edificatione utriusque domus testimonio trium hominum computabitur super utramque domum si predicte domus redimantur in dispositione fratrum erit recipere quinque marcas et dimidiam uel pro marca quinquaginta solidos Prouiniensis monete Testes Martinus magister de Brochon Dominicus filius Bernardi Divitis Henricus Galare Galo de Mayne Mauritius Captarius et filius eiusdem Robertus Porcherius Thomas filius Burg [] Et ut hoc in posterum magis ratum habeatur sigilli nostri impressione muniri fecimus Actum est anno MCLXXXIX