Charter Document - 05240095
| Charter Number: | 05240095 |
|---|---|
| Cartulary Title: | Poursuite privée et composition pécuniaire dans l'ancienne Bourgogne et Chartes de l'abbaye de Saint-Étienne de Dijon de 1155 à 1200. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1186 |
| Date type: | Assigned |
| Resource Link(s): |
|
Charter:
Urbanus Episcopus servus servorum Dei dilectis filiis magistro et fratribus Hospitalis de Tilicastro salutem et apostolicam benedictionem Justis petentium desideriis dignum est nos facilem prebere consensum et vota que a rationis tramite non discordant affectu prosequente complere ea propter dilecti in Domino filii vestris justis postulationibus grato concurrentes assensu ad instar felicis recordationis Lucii pape predecessoris nostri auctoritate apostolica constituimus ut de noualibus que propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere presumat Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Verone sexto Idus Julii