Charter Document - 05240080

Lucius Episcopus seruus seruorum Dei dilectis filiis Miloni Abbati sancti Stephani Diuionensis eiusque fratribus tam presentibus quam futuris regularem uitam professis in perpetuam memoriam quotiens a nobis petitur quod honestati et rationi conuenire dignoscitur animo nos licet libenti concedere et petentium desideriis congruum sufragium impertiri ea propter dilecti in Domino filii iustis uestris postulationibus clementer annuimus et prefatam Ecclesiam in qua diuino estis obsequio mancipati sub beati Petri et nostra protectione suscepimus et presentis scripti priuilegio communimus In primis siquidem statuentes ut Ordo Canonicus qui secundum Dei timorem et beati Augustini regulam in eodem loco noscitur institutus perpetuis ibidem temporibus iuiolabiliter obseruetur preterea quascumque possessiones quecumque bona eadem ecclesia in presenti iuste et canonice possidet aut in futurum concessione Pontificum largitione Regum uel Principum oblatione Fidelium seu aliis modis iustis prestante Domino poterit adipisci firma uobis uestrisque successoribus et illibata permaneant in quibus hec propriis duximus exprimenda uocabulis locum uestrum qui sanctus Stephanus dicitur in Capella diuionensi prebendam unam et parochiam uestram de Cuceio et elemosinam quam Puntius et uxor eius apud Brisconem uobis dederunt scilicet uineam unam et tertiam partem domus sue lapidee cum liberis ingressibus in predicta uilla ea tamen conditione quod si in propria manu dictam domum non tenueritis heredibus predicti Puntii eam dimittetis ita ut ipsi annuum censum ex ea uobis persoluent omnes etiam parochias uestras et altaria et prebendas et decimas et terragia et census et coustumas uestras et terras et siluas prata et uineas et homines uestros et omnes grangias uestras cum pertinentiis earum aquas etiam uestras et molendina cum pertinentis eorum et piscationes cum omnibus que in Episcopatu Lingonensi et in aliis habetis sane noualium uestrorum que propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere presumat liceat quoque uobis clericos uel laicos e seculo fugientes liberos et absolutos ad religionem uestram recipere et eos absque contradictione aliqua retinere paci quoque et tranquillitati uestre paterna sollicitudine prouidentes auctoritate apostolica prohibemus ne infra clausulas locorum seu grangiarum uestrarum nullus uiolentiam seu rapinam seu furtum facere uel hominem capere audeat sepulturam preterea ipsius loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua iustitia ecclesiarum a quibus mortuorum corpora assumuntur obeunte uero te nunc eiusdem loci abbate uel tuorum quolibet successorum nullus ibi qualibet subreptione astutia seu uiolentia preponatur nisi quem fratres communi consensu uel fratrum pars maior consilii sanioris secundum Deum et beati Augustini regulam uiderint eligendum decernimus ergo ut nulli omnino homini liceat prefatam ecclesiam temere perturbare aut eius possessiones auferre uel ablata retinere minuere seu quibuslibet fatigare uexationibus sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua Sedis Apostolice auctoritate diocesani episcopi canonica iustitia si qua igitur in futurum ecclesiastica secularisue persona hanc nostre constitutionis paginam sciens contra eam temere uenire tentauerit secundo tertioue commonita nisi reatum suum congrua satisfactione correxerit potestatis honorisque sue dignitate careat reamque se diuino iudicio existere de perpetrata iniquitate cognoscat et a sacratissimo Corpore et Sanguine Dei et Domini Redemptoris nostri Iesu Christi aliena fiat atque in extremo examine Dei auicte ultioni subiaceat cunctis autem eidem loco sua iura seruantibus sit pax Domini nostri Iesu Christi quatenus et hic fructum bone actionis percipiant et apud districtum Iudicem premia eterne pacis inueniant Amen Amen Ego Lucius Catolice Ecclesie Episcopus [cum eius signo et variis litteris] Ego Chunradus Salzpurgiensis commissarius Episcopus Sabinensis ego Theodinus Portuensis et sancte Rufine Episcopus ego Petrus Tusculanensis Episcopus ego Petrus Presbiter Cardinalis tituli sancte Susane ego Uiuamarus tituli sancti Stephani in Coelio Monte Presbiter Cardinalis ego Cenrius Presbiter Cardinalis tituli Sancte Cecile ego Arduinus Presbiter cardinalis tituli Sancte Crucis in Ierusalem ego Jacobus sancte Marie Diaconus Cardinalis ego Arditio sancti Theodori Diaconus Cardinalis ego Rainerus Diaconus Cardinalis sancti Georgii ad Velum Aureum ego Gratianus sanctorum Cosme et Damiani Diaconus Cardinalis ego Matheus Presbiter tituli sancti Marcelli ego Laborans Presbiter Cardinalis sancte Marie trans Tiberim tituli Calixti Datum Velletrina per manum Alberti sancte Romane Ecclesie Presbiteri Cardinalis et cancellarii secundo calendas maii indictione decima quinta Incarnationis Dominice anno millesimo centesimo octuagesimo secundo pontificatus nostri domini Lucii pape tertii anno primo