Charter Document - 05240058
| Charter Number: | 05240058 |
|---|---|
| Cartulary Title: | Poursuite privée et composition pécuniaire dans l'ancienne Bourgogne et Chartes de l'abbaye de Saint-Étienne de Dijon de 1155 à 1200. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1178 |
| Date type: | Assigned |
| Resource Link(s): |
|
Charter:
Ego Galterus Dei gratia Lingonensis Episcopus presentibus et futuris notum facio me donasse Ecclesie sancti Stephani Diuionensis quidquid habebam in Ecclesiis beate Marie beati Petri beati Michaelis beati Nicolai beati Medardi Diuionis nihilque in eis retinuisse statuens uidelicet ut quicumque Ecclesie sancti Stephani diuionensis perpetuis deinceps temporibus abbas extiterit predictarum Ecclesiarum parochialium curam remota omni calumpnia habeat et quibuscumque sacerdotibus administrationem distribuat seu committat quas quidem Ecclesias seu earum capellanos a sinodo et a qualibet exactione deinceps et immunes esse decernimus sepe dicte Ecclesie beati Stephani iuri et dominio omnimodo mancipauimus Hanc autem donationem laudauit Hugo uenerabilis archidiaconus noster