Charter Document - 05230016
| Charter Number: | 05230016 |
|---|---|
| Cartulary Title: | La baillisterie et la tutelle dans l'ancienne Bourgogne, et Chartes de l'abbaye de Saint-Etienne de Dijon, de 1140 à 1155. |
| Charter Language: | Latin |
| Charter Origin: | Religious |
| Charter Type(s): | Urging |
| Date: | 1147 |
| Date type: | Internal, A.D. |
| Resource Link(s): |
|
Charter:
In nomine sancte Trinitatis Ego Godefridus dei gratia lingonensis episcopus propter bonum pacis et caritatis ad informandam religionem ecclesie sanctorum Geminorum constituo inter ipsam et ecclesiam sancti Stephani diuionensis huismodi societatem ut eisdem moris sint eosdem habeant ritus Venientes ad alterutrum tanquam fratres et domestici in omnibus recipiantur Obeuntibus exequie communiter persoluantur Fratres sanctorum Geminorum eligant sibi priorem de ecclesia beati Stephani vel de sua cum consilio abbatis sancti Stephani et electum habeant liberum Abbas sancti Stephani veniens ad sanctos Geminos locum teneat abbatis tam in choro quam in capitulo excepto quod nullum permouebit aut degradabit nec recipiet aut eiciet preter voluntatem prioris Porro si qua forte querela aduersus priorem emerserit iudicent eam canonici prius abbati et si ille per se uel per suos poterit eam conpescere fiat Sin autem ad episcopum lingonensem referatur Ut uero rata et inconcussa in posterum maneat hec institucio auctoritate nostra confirmamus et sigilli nostri impressione munimus S Humberti decani S Gocelini archidiaconi S Fulconis archidiaconi S Stephani archidiaconi S Poncii archidiaconi S Garnerii archidiaconi S Hugonis de Riueriis S Arnaldi decani Anno ab incarnacione domini MCXLVII Indictione X mense ianuario Regnante Lodouico rege Data uenerabili Herberto abbati sancti Stephani diuionensis