Charter Document - 05230013
| Charter Number: | 05230013 |
|---|---|
| Cartulary Title: | La baillisterie et la tutelle dans l'ancienne Bourgogne, et Chartes de l'abbaye de Saint-Etienne de Dijon, de 1140 à 1155. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1145 |
| Date type: | Assigned |
| Resource Link(s): |
|
Charter:
Ego Gothefridus dei gratia lingonensis episcopus concordiam inter canonicos diuionenses et comiten Salcensem a me factum omnibus notifico et ut in posterum melius teneatur sigilli mei mea inpressione confirmo Concessit ipse comes canonicis percursum in nemoribus suis unius quadrige per totum annum uel si mallent duarum quadrigarum per dimidium annum Concessit quoque libere pasturam omnibus animalibus eorum necnon et asinis uille Aqueductus quam rustici ipsius uille per consuetudinem reclamando conquisierant Quod si animalia dampnum rusticis uille que dicitur Ventox inferrent capitali tantum soluto dampnum restauraretur nisi forte immissione et remoratione bestiarum dampnum sponte illatum probaretur Si uero inde uel de qualibet alia re inter eos contentio oriretur in loco qui utrarumque uillarum confinia diuidit placitarent Canonici uero duabus tantum uicibus per annum eidem comiti cum diuioni ueniret et requireret panis et uini refectionem et equis annonam spoponderunt Hec pactio facta est in uilla que Asnerias dicitur presente Herberto abbate et Garnerio preposito et Auyno de Beria et Guillermo preposito Affuit quoque Fulco archidiaconus et Girardus canonicus et Galterius uentarius et Natalis Vido maior comitis Hoc ipsum concesserunt Regina comitissa et filii eius Girardus Ebolus Guillermus presentibus Gisleberto et Girardo canonicis et Girardo capellano de Salz et Villermo fratre comitis Rainaldo de Bit Torino et cliente eius Petro et Villermo filio Rebaldi de Caseto Petrus Cinera Stephanus maior de Acqueducto Engarrannus Constantius de Curia Post hoc Guido primogenitus filius comitis qui tunc Tilecastro donabitur donum quod pater suus fecerat in manu Herberti abbatis laudauit Cuius concessionis testes sunt Garnerius prepositus Gislebertus canonicus Iosbertus de Granceio Odo de Eschereio