Charter Document - 05220100
| Charter Number: | 05220100 |
|---|---|
| Cartulary Title: | Essai sur l'histoire de la dévolution héréditaire dans les successions ab intestat en Bourgogne, depuis les origines au XVIe siècle, et Chartes de l'abbaye de Saint-Etienne de Dijon, de 1098 à 1140 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1132 |
| Date type: | Internal, Papal |
| Resource Link(s): |
|
Charter:
Innocentius Episcopus servus servorum dei dilecto filio Herberto Abbati Ecclesie aancti Stephani Divionensis ejusque successoribus regulariter substituendis in perpetuum Quem ad modum ea que a nobis statuuntur firma volumus et illibata persistere ita eaque a fratribus nostris rationabili providentia sive per justiciam seu per concordiam stabilita sint illibata volumus permanere Controversia siquidem inter vos et Herbertum Abbatem sancti Sequani de Duabus Ecclesiis Stabulis scilicet et Darleis et olim diutius agitata Tandem presentia venerabilis Guilenci Episcopi veslri sicut ex ejus scriptis accipimus Judicantibus Gauterio Cabilonensi Episcopo Et Girardo Besuensi Abbate et Ayrardo Lingonensi Decano et duobus Archidiaconis Jocelino et Garnerio earumdem Ecclesiarum vobis est cum decimis ad judicata possessio Sed quoniam animus Abbatis sancti Sequani de repetendis Ecclesiis non pausabat non utriusque Ecclesie paci et quieti providere curantes causam ipsam dilecto filio nostro Stephano Cisterciensi Abbati ita commissimus terminandam ut quod ab eo per justiciam vel concordiam statuerentur ratum auctoritate apostolica permaneret ipse vero tanquam vir religiosus et pacis amator auditis tam tuis quam alterius partis rationibus et diligenter inspectis consilio clarissimi filii nostri Bernardi Claravellensis Abbatis et aliorum religiosorum virorum prenominatam de duabus Ecclesiis controversiam hoc modo per concordiam terminavit ut videlicet ipsarum Ecclesiarum tam tu quam fratres tui dimidiam portionem Et Ecclesia sancti Sequani reliquam medietatem optineat Quia igitur que ad pacem sunt in Ecclesia Dei debemus statuere et presato filio nostro Stephano Abbate concordiam stabilitatem auctoritate Apostolica roboramus et ut nulli super hoc vestram Ecclesiam liceat infestare presenti decreto sancimus Si quis igitur hunc nostre constitutioni scienter contraire temptaverit anathematis sententia parcellatur Ego Innocentius Catholice Ecclesie Episcopus Data Clunici per Manus Aymerici sancte Romane Ecclesie Diaconi Cardinalis et Chancellarii II idus Februarii Pontificatus vero Domini Innocentii II pappa anno II