Charter Document - 05220032
| Charter Number: | 05220032 |
|---|---|
| Cartulary Title: | Essai sur l'histoire de la dévolution héréditaire dans les successions ab intestat en Bourgogne, depuis les origines au XVIe siècle, et Chartes de l'abbaye de Saint-Etienne de Dijon, de 1098 à 1140 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1120 |
| Date type: | Internal, A.D. |
| Resource Link(s): |
|
Charter:
Quotiens Ecclesiastice dispensationis officia sinodalibus preceptis reformantur et ad memoriam posterorum bonorum predecessorum laudis et bene gesta recitantur exemplo caritatis imitatione justicie de illis precipue que apud religiosos et fidei domesticos nostris temporibus benigne confereuntur dignum duscimus juxta consuetudinem antiquorum et nos fideliter indagare et perfectioribus instrumentis pia deliberatione tractare Ego igitur Jocerannus divino nutu Lingonensis Ecclesie episcopus cum de statu et proventu ejusdem matris basilice una cum reverentissimo tocius cleri comitatu in plenaria sinodo generaliter tractaremus venerunt ad nos divionensis Ecclesie Sancti Stephani regulares Canonici Domnus Galo prior et religiosi alii rogantes et obsecrantes ut sicut ad nostrum Episcopale Jus pertinebat de Ecclesia beate Martini de Campania quam de Jure Ecclesie sue antiquus fuisse diu reclamaverant et de aliis rebus quas in nostro episcopatu nostra et fidelium nostrorum dispensatione ad quisierant auctoritatis nostre litteras faceremus et proprii nostri sigilli impressione firmatas confirmaremus Quorum Juste peticioni archidiaconorum nostrorum et ejusdem sacri conventus consilio libenter adquiescentes Ecclesiam illam beate Martini de Prato que dicitur in campania cum capella sua que est in superiore fontanarum villa Salvo jure Lingonensis Ecclesie illis reddimus et concedimus Ecclesiam quoque de Gemellis cum capella sua que est in villa de Picangis et Ecclesiam de Ormentiaco que est in confinio ipsius Lingonice civitatis cum duabus capellis suis quarum una de Roseriis altera de Mardoo Episcopi villa esse cognoscitur salvis nichilominus lingonensis Ecclesie consuetudinibus illis donamus et perpetuo Jure confirmamus et per istius carte instrumentum archidiaconis notris confirmendam tradimus Signum Giulenci archidiaconi Garnerii Archidiaconi Ayrardi Archidiaconi Goceleni archidiaconi Guidonis archidiaconi Acta sunt hec anno ab incarnatione divini Millesimo centesimo vicesimo indicatione XIII Calixto summo pontifice Ludovico Francorum rege Joceranno Lingonensis Ecclesesie pontifice Ego Durannus Lingonensis Ecclesie notarius ad vicem Fulconis primiscerii et ejusdem Ecclesie Archicancellarii scripsi dictavi et recitavi