Charter Document - 05220022

In nomine sancte et individue trinitatis patris et filii et Spiritu sancti Amen Christiane perfectione culmen mandatorum dei observantia adipisci posse dignoscitur id sine dubio sancte charitatis virtus operatur qua vere deus proximusque diligitur quam duodenas Ecclesie apex ab ipso charitatis fonte suscipiens in universam generis humani prosapiam disseminando produxit unde multiplicis seges germinis ipso cultore Christo ad vite Justum pullulavit hec primitiarum suarum flores proferens una die ut Petro Apostolarum principe serente trium millium altera quinque millium virorum manipulos consecrandos optulit Qui rebus terrenis Celestia sibi premia mercantis caritatis vanitate quod quisque singulariter possederat Hoc in medium offerens commune cum ceteris retinere gaudebat In quibus nemo aliquid suum esse dicebat quia sancte charitati totum ad integrum contulerat Unde quia nullius subesse mundi portionem pro christo sibi reliquerat christum portionem comperero sibi constituerat Cujus imitande devotionis regulam venerandi patres secuti sub ujus religionis proposito plurimos aggregare studerem ut eorum in celestibus promereri valerent consortium quorum in terris denote imitarentur exemplum Hanc plerique sub monastice professionis titulo observare contendunt qui mundo funditus renuntiantes crucem christi tanto liberius portare possunt quanto preter eum nihil portantes expeditius incedunt Plurimi vero canonica subnixi auctoritate et si rebus seculi nondum omnino careant sub linius tamen communionis societate vivere in dei servitio procurant Qui si misericordie operibus res possessas impederint mundo corde et casto corpore deo placere studuerint christum absque dubio portionem habebunt in eorum collegio Cujus itaque sancte conversationis imitatores fieri cupientes quidam sancti pro martiris Stephani divionensis Ecclesie venerabiles canonici dominum Josserami Lingonensis Ecclesie pontificem adierunt consilium et misericordiam flagitantes ab eo quatenus sibi liceret ut supradicta Ecclesia sua regulariter vivere et ad emendationem vite sue in eodem canonico ordine deo servire Quorum et fuste et rationabili petitioni supradictus Pontifex misericorditer eminens per consilium domnum Garnerii ejusdem loci abbatis et Lingonensis Ecclesie archidiaconi et Domni Guilenci Archidiaconi et Lingonensis Ecclesie decani communi etiam assessu utriusque Capituli Lingonensis atque divionensis Ecclesie tali ordine ad effectum perducere curavit Nam quia qui regulariter se vivere professi fuerant ad servitium majoris Ecclesie nondum sufficere poterat dispensative actum est et constitutum ut in partem prediorum ejusdem Ecclesie cum suo grege cederent et apud Quintiniacum villam in Ecelesia Beati Martini in sancte professionis habitu et religione domino placere studerent omnes possessiones illas quos ad obedientiam Amulfi pertinebant in proprio dominatu suo habentes et ad necessarios usus communiter dividentes Erit autem in arbitrio eorum omnes quos idoneos noverint recipere et in consortio suo ad titulum Martiris ecclesie regulariter adtrahere donec multiplicato saltem ad duodecim numero interveniente et disponente Lingonensis Ecclesie pastore ad fratres suos et ad matrem Ecclesiam sollempniter valeant remeare Deinde vero per eosdem in Ecclesia illa regularis ordo ita servetur ut et de bonis Ecclesie omnium communis usus habeatur et quando de non regularibus aliquis casu aliquo vel morte sublatus fuerit nullus nisi regularis admittatur Ceterum supradictis nullum deinceps recipere liceat nisi regulam profitentem et vita canonum vivere volentem Acta sunt hec per manum Domni Josserani Lingonensis Episcopi in presentia totius ejusdem Ecclesie capitule ad et gloriam sancte Christianitis Anno ab incarnatione Domini millesimo centesimo tredecimo Indicatione prima Paschali Apostolice sedis pontificium gubernante Josserano Lingonensis Ecclesie Episcopatum regente Acta sunt etiam hec per manum domni Gocerani Lugdunensis archiepiscopi in presentia ejusdem Lugdunensis ecclesie capituli ad laudem et gloriam sancte Christianitatis In presentia venerabilium fratrum et coepiscopatum Insinionis Diensis Beraldi Matisionensis Guidonis Gebennensis Testes sunt ujus rei Vualo canonicus ejusdem Ecclesie Garnerius prepositus Paganus cantor