Charter Document - 05220007
| Charter Number: | 05220007 |
|---|---|
| Cartulary Title: | Essai sur l'histoire de la dévolution héréditaire dans les successions ab intestat en Bourgogne, depuis les origines au XVIe siècle, et Chartes de l'abbaye de Saint-Etienne de Dijon, de 1098 à 1140 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1080 - 1120 |
| Date type: | Assigned |
| Resource Link(s): |
|
Charter:
In humanis scilicet ac divinis sanctorum patrum instruimur documentis ut si quis per succedentia tempora juris Ecclesiasticis desiderat aliquid firmiter ac perpetuo possidere tali se debeat litterarum auctoritate muniri nec in posterum tirannica oppressione seu alicujus deceptione aliquatenus valeat inpugnari Qua propter ego Vualterius sancte Dei Cabilonensis Ecclesie humilis Episcopus recumbentibus in gremio matris Ecclesie fidei quoque sectatoribus nomen que Divini subtitulo christianitatis invocantibus notificari statuimus qualiter Divionenses canonici Amulfus videlicet atque Garnerius seu Durannus communi peticione ceterorum fratrum presentiam nostram adierunt expetentes ac obnixe deprecantes quatenus Ecclesiam de Bassiaco que in ministerio Oscharensi sita esse dicitur sicut et predecessores nostri Accardus videlicet atque Roclenus Jam eis dederant nos etiam scripto nostro ipsis confirmaremus Quorum generali humillimis precibus sicut dignum videbatur condescentes favimus et prefatam Ecclesiam Deo et Sancto Stephano atque predictis fratribus presentibus atque successoribus sine aliqua contradictione donavimus et in perpetuum eam in pace possideant cum decimis atque oblationibus ac etiam cum universis appendiciis suis ubicumque terrarum Jaceant nemine contradictis eis concedimus et scripto nostro corroboramus Latam ratione ut quicumque prescribit pro ipsis ibidem contaverit terminatis temporibus nobis reddere sinodale servicium non permittat simulque prescriptis et sanctionibus nostris plenam obedienciam exibere non negligat Si vero quod Deo annuente minime speramus aliqua laicalis persana contra hoc nostrum legitima testamentum a nobis in Deo Sollemniter promulgatum per scriptam Ecclesiam cum ceteris Ecclesiastico Jure sibi pertinentibus auferre vel calumniare presumpserit sicut Sinodali decreto statuimus a consortio ceterorum fidelium segregatus et aluminibus Sancte ecclesie repulsus vinculo anathematis tamdiu feriatur donec compulsus verecundia resipiscat et ad emendationem veniat Signum domni Vualonis archediaconi incujus ministerio ipsa Ecclesia in honore beati Vincentii est consecrata Signum domni Arnulfi Archipresbiteri